Elektromobillə bağlı problem: istehsalçılar həll yolunu bilir, amma həll etmir - FOTO

Tədqiqat göstərir ki, elektromobillər satışla bağlı ilk çətin mərhələni geridə qoyub. Elektromobil alanların əksəriyyəti rahatlığa görə yenidən benzinə və ya dizelə qayıtmaq istəmir. Lakin çətinliklər hələ də qalır. Bunların ən başlıcası batareyanın doldurulmasıdır.

Avtosfer.az xəbər verir ki, ABŞ-də yerləşən “Escalent” təşkilatı məsələ ilə bağlı sorğu keçirib. Məlum olub ki, potensial alıcıların əksəriyyəti istehsalçının elektromobilin üstündə ev üçün doldurma qurğusu verməsini istəyir. Rəyi soruşulan 1300 amerikalı bildirir ki, evdə batareya doldura bilməmək probleminə görə onlar benzin və ya dizeldən uzaqlaşmırlar. Respondentlərin 71 faizi məhz evdə doldurmaya daha maraqlıdır. 

“Escalent” bildirir ki, indiyədək avtomobil istehsalçıları yalnız satışla maraqlanıb. Yanacaqdoldurma məntəqələri tam ayrı inkişaf edib. İndi isə vəziyyət dəyişib. İstehsalçılar həm doldurma məsələsini həll etməlidirlər.

Vüqar Yaşaroğlu