Evlilik təklifini qəza zarafatı ilə etdi: Hər şey gerçək oldu - FOTO

Dominikan respublikasında motosiklet həvəskarı olan Miguel Angel Pena adlı 39 yaşlı adam iki ay əvvəl sevgilisinə etdiyi qeyri-adi evlilik təklifi ilə yaddaşlarda qalmışdı. Avtosfer.az metbuat.az-a istinadən bildirir ki, evlilik təklifi zamanı ağır yaralanmış kimi davranıb, ağlayan sevgilisini cibindən çıxardığı üzük ilə şoka uğratmışdı. Sevgilisi onun bu zarafatına əsəbləşsə də, evlilik təklifini qəbul etmişdi. Cütlük bir neçə aydır ki, toya hazırlaşırdı. Ötən gün Las Terranasda sürət turuna çıxan Pena kəskin bir döngədə motosikletin nəzarətini itirib və qəza törədib. O, xəstəxanaya yerləşdirilsə də, xilas edilə bilməyib. Nişanlısı bunun da zarafat olduğunu düşünüb.