Kabus körpənin ayaq izləri peyda oldu - FOTO

Filippin sakini ticarət mərkəzində qəribə ayaq izləri aşkar edib. Avtosfer.az “ölkə.az”a istinadən xəbər verir ki, ticarət mərkəzinin döşəməsində çılpaq ayaq izi aşkar edilib. Ləpir kiçik ölçüdədir və tək ayaqla qoyulub. Bununla belə, ləpiri qoyan uşağı heç kəs görməyib. Eyni zamanda ləpirdən məlum olub ki, uşağın ayağında 6 barmağı var. “Orada heç vaxt ikinci ayağın izi olmur. Ləpirlər həmişə çirkli və bulanıqdır. Elə bil ki, qanla çirklənib. Bizim ticarət mərkəzində sol ayağın ləpiri hər gecə peyda olur”, - deyə mərkəzin işçisi deyib. Qəribə ayaq izləri ölkənin başqa ticarət mərkəzlərində də aşkar edilib. Qeyd edilir ki, bəzən uşaq ləpirinin yanında böyük insanın ayaq izi də peyda olur. Ləpir silinsə də, bir müddət sonra yenidən eyni yerdə üzə çıxır.