“Mercedes” 1,5 litrlik mühərriklərdən imtina edir - FOTO

“Mercedes” şirkəti Çində istehsal edilən C sinfinə aid modellərdə 1,5 litrlik turbo mühərriklərdən imtina edir.

Avtosfer.az xəbər verir ki, sözügedən modellər 2 litrlik turbokompressorlu benizin mühərriklərlə təchiz ediləcək. Yeni mühərrikin gücü opsiyadan asılı olaraq 170-206 at qüvvəsi olacaq.

Dəyişiklik barədə ətraflı məlumat verilmədiyi üçün ekspertlər bunu müvəqqəti addım, və ya keçid versiyası hesab edirlər. Yeni mühərrikin quraşdırılması avtomobilin konstruksiyasında müəyyən dəyişiklikləri qaçınılmaz edir. Bu da müəyyən vaxt aparacaq və de-fakto restaylinqlə nəticələnəcək.

Avropada istehsal edilən modellərlə bağlı isə yaxın vaxtlarda hansısa ciddi dəyişiklik barədə məlumat yoxdur.

Vüqar Yaşaroğlu