Nadir avtomobil gözlənilmədən ABŞ hökumət hərracında peyda oldu - FOTO

ABŞ hökuməti müflis olan "Santa Paula Hay&Grain" kənd təsərrüfatı şirkətinin əmlakını hərraca çıxarıb.

Avtosfer.az "The Drive"a istinadən xəbər verir ki, hərraca çıxarılan əmlak arasında nadir "Ferrari F40" avtomobili də yer alıb.

Bu avtomobilin belə bir hərracda peyda olması hər kəs üçün gözlənilməz olub. Superkar üçün artıq 2.55 milyon dollar təklif olunub.

Qeyd edək ki, 1980-1990-cı illərin sonunda "Ferrari" təxminən 1 300 F40 istehsal edib. Lakin onlardan yalnız 231-i ABŞ bazarı üçün xüsusi olaraq uyğunlaşdırılıb.

Satışa çıxarılan nümunə 1991-ci ildə Şimali Amerikaya gətirilib. O vaxtdan bəri o, bir neçə dəfə sahibini dəyişib.