Şəhər adları ilə adlandırılan avtomobillər - FOTO

Satışa çıxarılan yeni model avtomobilin müştəri cəlb etməsinin vacib şərtlərindən biri də ad seçimidir. Buna görə də yeni modelin adı məsələsinə xüsusi əhəmiyyət verilir. 

Avtosfer.az istinadla xəbər verir ki, yeni modellərə şəhər adlarının verilməsi onlara marağı artırır. Eyni zamanda, bu adın istehsalçı ölkənin şəhərinə aid olub-olmaması əhəmiyyət daşımır. Məsələn “Hyundai”ın “Santa Fe”, “Santa Cruz”, “Tucson” və “Telluride” modellərinin adlarının Koreya yarımadası ilə heç bir əlaqəsi yoxdur. Onların adını xəritədə axtararkən Amerika qitəsinə, daha doğrusu ABŞ-a nəzər yetirmək lazım gəlir.

Şəhər adı ilə adlanan digər avtomobillərə gəlincə, “Chevrolet”in “Malibu”, “Monte Carlo”, “Alfa Romeo”nun “Montreal”, “Volkswagen”in “Taos”, “Kia”nın “Rio” modellərinin adlarını çəkə bilərik. Əlbəttə ki, “Toyota Tacoma” da yaddan çıxmamalıdır.

Vüqar Yaşaroğlu