Xanım sürücü maşını marketə saldı - Qazla əyləci səhv salıb - FOTO

Əyləc əvəzinə qaz pedalını sıxan sürücü Saraydakı supermarketə çırpılıb. Avtosfer.az xəbər verir ki, hadisə az əvvəl Abşeron rayonu Saray qəsəbəsində baş verib.

General Məhəmməd Əsədov küçəsində yerləşən “Saray” MTK-nın altındakı “Araz” supermarketin içinə maşın girib. Hadisə şahidlərinin bildirdiyinə görə yolun kənarında binanın altında yerləşən market günün 24 saatı fəaliyyət göstərir deyə içəridə həmişə müştəri olur. Marketin önündə parklama ərazisi var və xanım sürücü “KİA” markalı 01-CL-675 qeydiyyat nişanlı avtomobilini parklayaraq mağazaya girmək istəyirmiş. Lakin əyləc yerinə qazı sıxdığı üçün maşın obyektə çırpılıb.

Hadisə ilə bağlı araşdırmalar aparılır.

Səfər