Yağışlı havada aşan pikap yolda süründü; 2 ölü, 3 yaralı - FOTOLAR

Yağışlı hava şəraiti ağır yol qəzasına səbəb olub. Avtosfer.az xəbər verir ki, hadisə Türkiyənin Manisa bölgəsində baş verib. Məlumata görə, Dənizli-İzmir avtomobil yolunun Kavaklıdere kəsişməsində 39 yaşlı İsmayıl Göksenin idarə etdiyi 45-Y-8708 nömrə nişanlı pikap yağışlı hava səbəbindən sürüşkən yolda idarəetmədən çıxaraq aşıb. Zərbənin təsirindən aşmış vəziyyətdə sürəklənən pikap əks zolağa keçərək 20-AFU-681 nömrə nişanlı avtomobillə toqquşub.
Qəza nəticəsində 2 nəfər ölüb, 3 nəfər xəsarət alıb.
Yaralılara ilkin tibbi yardım göstərildikdən sonra  yaxınlıqdakı xəstəxanaya çatdırılıblar.
Qəza ilə bağlı araşdırma başlanıb.

Namiq Musayev