Yol polisi Cəlilabadda reyd keçirdi: 100-ə yaxın sürücü saxlanıldı - FOTO

Baş Dövlət Yol Polisi İdarəsinin Yol Patrul Xidməti Alayının 11-ci tağımı magistral yollarda hərəkətin təhlükəsizliyinin təmin edilməsi məqsədilə reyd keçirib. Reyd zamanı yol hərəkəti qaydalarına əməl etməyən sürücülər aşkar edilərək məsuliyyətə cəlb olunublar. Göytəpə postu ərazisində YPX əməkdaşları tərəfindən saxlanılan 100-ə yaxın sürücüdən təhlükəsizlik kəmərindən istifadə etməyən, avtomobildə konstruksiya dəyişikliyi edən, sürücülük vəsiqəsi olmayan 60-ı inzibati qaydada cəzalandırılıb. Bəzi sürücülər avtomobillərinin cərimə meydançasına aparılmasına etiraz edərək yol polisi ilə mübahisə edib. 

Baş Dövlət Yol Polisi İdarəsinin Yol Patrul Xidməti Alayının 11-ci tağımının komandiri Hikmət Qafarov Avtosfer.az-a bildirib ki, reydin keçirilməsində əsas məqsəd yollarda baş verə biləcək qəzaların qarşısının alınmasıdır. "Bu gün texniki baxışdan keçməyən, yükdaşıma qaydalarını pozan, nasaz avtomobil idarə edən sürücülər aşkarlandı. Onlarla profilaktik söhbətlər aparıldı. Baş verə biləcək qəzaların ağır fəsadları izah olundu." 

Qeyd edək ki, analoji reydlər davam etdiriləcək.

Orxan