Atasız qızları təhqir edən aparıcı maşını kəmərsiz sürüb hədə-qorxu gəldi - VİDEO

“Kanal S”in efirində səsləndirdiyi ifadəylə gündəmdə olan aparıcı Nigar Fərhad yol hərəkəti qaydalarını pozub.

Avtosfer.az-ın məlumatına görə, avtomobili idarə edən aparıcı təhlükəsizlik kəmərini taxmayıb. Eyni zamanda o, sükan arxasındaykən mobil telefondan istifadə edərək özünü videoya çəkib və şəxsi “İnstagram” hesabında paylaşıb. Nəticədə başı telefona qarışan aparıcının diqqəti yoldan yayınıb. Dünyanın bir neçə ölkəsində təhsil aldığını, hətta Harvard Universitetinin məzunu olduğunu bildirən aparıcının maşın sürərkən kəmər taxmağı öyrənməməsi acınacaqlı haldır.  

Qeyd edək ki, Nigar Fərhadın "Mən oğluma atası olmayan qızı ala bilmərəm" fikri güclü ictimai qınağa və etiraza səbəb olub. Məsələylə bağlı açıqlama verən aparıcı sözügedən videonu lentə alaraq fikirlərinin təhrif olunmuş formada tamaşaçılara çatdırıldığını və onu təhqir edənlərlə bağlı lazımi tədbir görüləcəyini əlavə edib.

Nərmin