Binədə sürücüdən təhlükəli hərəkət – Məktəbliləri yolun ortasında düşürdü - VİDEO

Paytaxtın Xəzər rayonu, Binə qəsəbəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə martın 6-da saat 08:00 radələrində qeydə alınıb. Kadrlardan göründüyü kimi, “Mercedes” markalı sərnişin avtobusunun sürücüsü nəqliyyat vasitəsini yolun hərəkət hissəsində saxlayaraq məktəbliləri düşürür.

Bu səbəbdən həmin ərazidən keçən sürücülərin hərəkəti məhdudlaşıb, eyni zamanda avtobusdan düşən sərnişinlərin  təhlükəsizliyi ciddi risk altına düşüb.

Qeyd edək ki, İnzibati Xətalar Məcəlləsinin 346.3-cü maddəsinə əsasən, ümumi istifadədə olan nəqliyyat vasitəsinin sürücüsü sərnişinləri mindirmək və ya düşürmək üçün xüsusi ayrılmış dayanacaq meydançalarından, eləcə də 5.12 və 5.13 yol nişanları ilə işarələnmiş dayanacaq yerlərindən kənarda dayanarsa, 100 manat məbləğində cərimələnə bilər.

Nərmin