“Dayanacaq nişanı var, avtobus yoxdur” - Sürücüyə yazılan cərimə müzakirə yaradır - VİDEO

Paytaxtın Yasamal rayonu, Moskva prospektində sürücüyə avtobus dayanacağında avtomobil saxladığı üçün cərimə tətbiq olunub.

Bu barədə izləyicilərdən biri Avtosfer.az-ın “WhatsApp” ünvanına videomaterial göndərərək məlumat verib. Hadisənin iyunun 17-də saat 09:40 radələrində baş verdiyi bildirilir.

Şikayətçinin sözlərinə görə, o, qırıq xətdən avtobus zolağına daxil olub və daha sonra “Badi Səba” şadlıq sarayının giriş hissəsində 99-QH-318 dövlət nömrə nişanlı “BYD” markalı avtomobili saxlayaraq müştəri götürüb. Lakin təxminən 20 dəqiqə sonra ona İnzibati Xətalar Məcəlləsinin 346.2-ci maddəsi ilə dayanma-durma qaydalarını pozduğuna görə 40 manat və 2 bal cərimə gəlib.

Göndərilən videodan görünür ki, sürücünün avtomobili saxladığı ərazidə avtobus dayanacağı nişanı mövcuddur. Lakin şikayətçi marşrut avtobuslarının həmin nöqtədən təxminən 30-40 metr arxada dayanaraq sərnişinlərin minib-düşürdüyünü vurğulayıb.

İzləyici tətbiq edilən cərimənin əsassız olduğunu iddia edərək, qərarla razılaşmadığını bildirib.

Nərmin