Dövlət qoruğuna gedən yol torpağın altında qalıb: Nəzarət edən yoxdur - VİDEO

"Keşikçidağ" Dövlət tarix-mədəniyyət qoruğuna gedən yolda təhlükəli vəziyyət yarnıb. Avtosfer.az xəbər verir ki, yolun asfalt qatı torpaq altında qalıb. Sözügedən avtomobil yolunun bir hissəsində artıq uzun müddətdir ki, təhlükəli vəziyyət yaranıb. Yolun yamac hissəsindən sürüşərək asfalt örtüyünün üzərinə tökülən torpaq və iri daşlar hərəkət üçün ciddi maneə yaradıb.

Görüntülərdən də aydın olur ki, asfalt yolun bir hissəsi tamamilə torpaq qatının altında qalıb. Nəticədə sürücülər asfaltdan kənara çıxaraq yol çiyni ilə hərəkət etməyə məcbur olurlar. Yolda işıqlandırma olmadığı üçün axşam saatlarında təhlükəli vəziyyətin yaranmasına səbəb olur.

Sürücülərin sözlərinə görə, problem yeni deyil və artıq xeyli vaxtdır davam edir. Buna baxmayaraq, aidiyyəti qurumlar tərəfindən yolun təmizlənməsi və hərəkətin tam bərpası istiqamətində tədbir görülmədiyi bildirilir.

Ümid edirik ki, məsul qurumlar məsələni nəzarətə götürərək sürücülərin təhlükəsiz hərəkətini təmin etmək üçün qısa müddətdə lazımi tədbirlər görəcəklər.

Fərid