“Land Rover”lə toqquşmamaq üçün sürücü maşını bordürə çırpdı, sonra… - VİDEO

Paytaxtın Ziya Bünyadov prospektində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Kadrlardan göründüyü kimi, 10-LT-400 dövlət nömrə nişanlı “Land Rover” markalı avtomobilin sürücüsü sağda hərəkətdə olan nəqliyyat vasitəsinə məhəl qoymadan həmin zolağa manevr edir. Nəticədə o, görüntünü qeydə alan sürücünü sıxışdırır. Təhlükəylə üzləşən sürücü qəfil sağa manevr edərək qəzadan yayınmağa çalışır. Bu zaman avtomobil əvvəlcə çuxura düşür, ardınca isə bordürə çırpılır.  Hadisədən sonra sürücülər arasında mübahisə yaranıb. 

Zərərçəkmişin sözlərinə görə, “Land Rover”in sürücüsü törətdiyi qayda pozuntusunu qəbul etməyərək ərazidən uzaqlaşıb.

Belə vəziyyətlərdə əsas risk qəfil qərar vermək məcburiyyətindən yaranır. Sıxışdırılan sürücü son anda sükanı kəskin sağa çevirmək əvəzinə sürəti maksimum dərəcədə azaltmağa və zolaqda sabit qalmağa üstünlük versə, nəqliyyat vasitəsinə dəyən ziyanı minimuma endirmək mümkün olardı. 

Nərmin