Nizamidə “Təhlükəsiz şəhər və məsuliyyətli şagird” adlı tədbir keçirildi - VİDEO

Martın 3-ü Nizami rayonu 201 nömrəli tam orta məktəbdə “2026-cı il Şəhərsalma və Memarlıq ili” çərçivəsində “Təhlükəsiz şəhər və məsuliyyətli şagird” adlı tədbir baş tutub.

Avtosfer.az xəbər verir ki, tədbirdə Nizami Rayon İcra Hakimiyyətinin nümayəndəsi Eldəniz Zeynalov, Bakı Şəhər Dövlət Yol Polisi İdarəsinin bölmə rəisi, polis mayoru Toğrul Nəsirli, Nizami rayon DYPŞ-nin inspektoru, polis baş leytenantı Tural Kamranzadə, nəqliyyat eksperti Elməddin Muradlı, məktəbin müəllim və şagird kollektivi iştirak edib.

Tədbiri açılış nitqi ilə Nizami Rayon İcra Hakimiyyətinin nümayəndəsi Eldəniz Zeynalov açıb. Tədbiri təşkil etməkdə göstərdikləri dəstəyə görə məktəb rəhbərliyinə təşəkkürünü bildirən Eldəniz Zeynalov qeyd edib ki, şagirdlərin yol hərəkəti qaydalarını öyrənmələri onların həyatı üçün yaranan riskləri minimuma endirir.

Bakı Şəhər Dövlət Yol Polisi İdarəsinin bölmə rəisi, polis mayoru Toğrul Nəsirli çıxışı zamanı şagirdlərə öz tövsiyələrini verib. Yol hərəkəti qaydalarına azyaşlıların riayət etməsi mövzusunda çağırışlar Daxili İşlər Nazirliyinin sosial şəbəkə hesablarında da yayımlanır. O bildirib ki, belə tədbirlərin tez-tez keçirilməsində məqsəd məktəblilərin öz hüquq və vəzifələrini öyrənmələridir.

Daha sonra nəqliyyat eksperti Elməddin Muradlı monitorda yol hərəkəti qaydalarına aid sosial çarxları şərh edib. Daha sonra ekspert yayımlanan videoçarxlarla bağlı məktəbliləri maraqlandıran suallarını cavablayıb. Sonda tədbir iştirakçıları məktəblilərlə xatirə şəkli çəkdirib.

Səfər