Vəsiqəsiz “avtoş” saxta nömrəli “07” ilə Qaradağı bir-birinə qatdı - VİDEO

Paytaxtın Qaradağ rayonu, Lökbatan qəsəbəsində yol hərəkəti qaydalarını kobud şəkildə pozan sürücünün videoları sosial şəbəkədə yayınlanıb.

Avtosfer.az-ın məlumatına görə, saxta dövlət nömrə nişanlı “VAZ-2107” markalı və 10-KY-672 dövlət nömrə nişanlı “Dacia” markalı avtomobillə avtoxuliqanlıq edib. Belə ki, o, idarə etdiyi “VAZ”la gah sağa, gah sola təhlükəli manevrlər edərək yolu “şou meydanına” çevirib. Nəticədə sürücü təkcə özü və avtomobildəki sərnişini deyil, qarşıdan gələn nəqliyyat vasitələrini də ciddi təhlükə altında qoyub.

Eyni zamanda o, avtomobilin konstruksiyasına dəyişiklik edərək arxa yayları kəsib və ön hissəsini qaldırıb. Bununla kifayətlənməyən sürücü işıq cihazlarına da müdaxilə edib.

Nəzarət kamerasına düşən digər görüntüdə isə, o, yaşayış ərazisində döngəyə sərt daxil olaraq qəzadan son anda yayınıb. 

İddialara əsasən, sürücü avtomobilləri sürücülük vəsiqəsi olmadan idarə edir. 

Nərmin