Yeniyetmə “Hyundai”ı ağaca çırpdı; xilasedicilər maşından çıxardı, polis cərimələdi - VİDEO

Sürücülük vəsiqəsi olmayan yeniyetmə qəza törədib. Avtosfer.az xəbər verir ki, Türkiyənin Hatay şəhərində baş verən hadisə kameraya düşüb.

Məlumata görə, Payas rayonu, Adəm Yavuz küçəsində 17 yaşlı yeniyetmə idarə etdiyi 07-NİM-33 nömrə nişanlı “Hyundai” markalı avtomobillə hərəkətdə olan zaman sükana nəzarəti itirib. İdarəetmədən çıxan “Hyundai” əvvəlcə səkiyə, daha sonra isə ağaca çırpılıb.

Zərbənin təsirindən sürücü deformasiyaya uğramış avtomobildə sıxışmış vəziyyətdə qalıb.

Ətrafdakı vətəndaşların çağırışı hadisə yerinə polis, xilasedicilər və təcili yardım gəlib.

Yüngül xəsarətlər alan sürücü sıxışdığı yerdən çıxarılaraq təcili yardımın əməkdaşlarına təhvil verilib və o, Payas Dövlət Xəstəxanasına aparılıb. Evə buraxıldıqdan sonra yeniyetmə sürücü polis tərəfindən 46874 TL (red. 1818 manat) cərimə olunub.

Sözügedən qəzanın anbaan videosunu təqdim edirik:

Namiq Musayev