Bir milyondan çox "Honda" geri çağırılır

Yaponiyanın avtomobil istehsalçısı “Honda” ABŞ-da 1,1 milyon ədəd avtomobilini geri çağırır. Avtosfer.az finans.az-a istinadən xəbər verir ki, geri çağrılmanın səbəbi kimi təhlükəsizlik yastıqlarındakı mümkün problemlər göstərilir.

Xatırladaq ki, “Takata” şirkətinin istehsalı olan yastıqlarla bağlı problemlə əlaqədar "Honda" 2017-ci ilin yanvarında 370 min, 2018-ci ilin yanvarında isə 465 min avtomobilini geri çağırıb. Bütövlükdə isə bu problemlə bağlı dünya üzrə 4,5 milyon, o cümlədən Yaponiyada 1,63 milyon avtomobil geri çağrılacaq.