Bu avtomobillər saatda 180 km-dən artıq getməyəcək - Qərar verilib

İsveç mərkəzli avtomobil istehsalçısı "Volvo" gələn ildən etibarən bütün avtomobillərdə sürət sərhədini saatda 180 kilometr ilə məhdudlaşdıracaq. Open.az xarici mətbuata istinadən xəbər verir ki, şirkətin bu addımı atmasının səbəbi yol-nəqliyyat hadisələri zamanı ölüm hallarını azaltmaqdır. Şirkətdən bildirilib ki, 2021-ci ildə istehsal olunan avtomobillərə saatda maksimum 180 kilometr sürət həddi tətbiq ediləcək.

Qeyd edək ki, Çinli avtomobil nəhəngi "Zhejiang Geely Holding" "Volvo Car Groupu" 2010-cu ildə 1,8 milyard dollara ABŞ mərkəzli avtomobil istehsalçısı "Ford"dan satın almışdı.