Bu kameralar hətta diz üstündəki telefonu da görür - FOTO

Sürücülərin başının telefona qarışıb özlərinə və digərlərinə risk yaratması məsələsi polisi illərdir narahat edir. Bəzi sürücülər telefonu qulaqlarına qoymadan diz üstə və ya sükan arxasında istifadə edirlər. Kamera əksər hallarda bunu görmür. Lakin, bu fırıldağın da çarəsi tapılıb.
Avtosfer.az xəbər verir ki, Niderland yollarında quraşdırılmış kameralar 2025-ci ildə 248 020 qayda pozuntusunu təsbit edib. Bu ölkədə sükan arxasında telefondan istifadənin cəriməsi 440 avrodur.  Başqa sözlə, dövlət büdcəsinə təkcə telefondan istifadəyə görə 10 913 000 avro (təxminən 21,5 milyon manat) vəsait axil olub. 
İş burasındadır ki, ərazisi Azərbaycanın yarısı qədər olan ölkədə kameralar telefondan istifadəni istənilən bucaq altında “görə” bilir. Sürücü mobil qurğunu sükan arxasında, ya da diz üstündə tutsun fərq etmir. Kamera qayda pozuntusunu dəqiq fiksasiya edə bilir. “Focusfilters” tipli kameralar süni intellektlə işləyir.

Vüqar