Dəniz limanında elektromobil tıxacı

Avropalılar istəmir, çinlilər isə göndərirlər.

Avtosfer.az xəbər verir ki, dünyanın ən böyük avtomobildaşıma limanı bir aylardır yer problemi ilə üzləşib. Söhbət Niderlandın Antverpen limanından gedir.

Vəziyyət o həddə çatıb ki, limanda artıq Çin istehsalı olan elektromobilləri yığmaq üçün yer qalmayıb. Liman rəhbərliyi bildirir ki, əməkdaşlar boş yer tapan kimi oranı parkinqə çevirirlər. Bəzi maşınlar burada ildən çoxdur gözləyir. 

Limandan 80 kilometr aralıdakı Zibruq şəhərində də parkinqlər Çin maşınları ilə dolub-daşır. Liman 2023-cü ildə 3,5 milyon avtomobil qəbul edib və yola salıb. 2024-cü ilin statistikası hələ hazır deyil.

Liman rəhbərliyi bildirir ki, onlar Çin avtomobillərinin axınının qarşısında acizdirlər. Ən maraqlısı isə budur ki, Avropada elektromobil satışı minimuma ensə də, çinli istehsalçılar maşın göndərməyə davam edirlər.

Səbəbini isə yalnız çinlilər özləri bilirlər.

Vüqar Yaşaroğlu