Dünyanın ən sürətli polis avtomobili

Polis avtomobilləri bir qayda olaraq standart maşınlardan daha çevik olur. Burada qeyri-adi heç nə yoxdur. Bahalı maşınla xuliqanlıq edən şəxsi standart avtomobillə təqib etmək mümkün deyil. 

Avtosfer.az xəbər verir ki, Dubay küçələrində dəyəri yüz minlərlə ölçülən lüks avtomobilləri görmək adi haldır. Buna görə də şəhər polisi obrazlı dsək axından geri qalmamaq qərarına gəlib. 500 min dollarlıq maşınla qayda pozan şəxsi təqib etməyə daha çevik maşın tələb olunur. 

Bunu nəzərə alan Dubay polisi 2016-cı ildə 1,6 milyon dollara “Bugatti Veyron” aldı. 1000 at gücü mühərrikə malik avtomobilin 100 km/saat sürətə çatması üçün cəmi 2,5 saniyə tələb olunur. Belə bir maşından heç bir avtoxuliqan qaça bilməz.
Dubay polisinin bu avtomobili Ginnesin rekordlar kitabına da düşüb.

Vüqar Yaşaroğlu