Elektromobillər üçün katalizatorsuz səsboğan: əyləncə, yoxsa zərurət?

Ömründə bir dəfə də olsa elektromobilə, metroya, tramvaya və ya trolleybusa minən adam bilir ki, bu texnikalar səssiz və qazsızdır. Buna görə də, onlara heç bir qaz xaricetmə sistemi lazım deyil. Belə olduğu halda istehsalçı niyə özünü əlavə xərcə salmalıdır? Lakin Stellantis başqa cür düşünür.

Avtosfer. az xəbər verir ki, Stellantis qrupu ABŞ-də istehsal edilən avtomobillərinə səsboğan quraşdıracaq. Lakin bu, hansısa nostalgiya və ya səsi azaltmaq üçün nəzərdə tutulmur.

Elektrik mühərriki işləyərkən qaz xaric olmadığı üçün səsboğana da ehtiyac yoxdur. Elə buna görə də, səsboğan mühərriklə deyil, batareyalarla əlaqələndirilir.

Batareyada yanğın və ya digər nasazlıq olduğu təqdirdə qazların kənarlaşdırılması üçün belə bir sistemə ehtiyac var. Artıq bu detal ABŞ-də patent alıb. Avropa modellərinə isə onun tətbiqi hələ ki nəzərdə tutulmur.

Vüqar