Elektromobil şirkəti müflis oldu, müştərilər narahatdır - FOTO

Çinin “Neta Auto” şirkəti müflis olub. 

Avtosfer.az xəbər verir ki, elektromobil istehsalında ixtisaslaşan şirkət ilk dövrlərdə çox yaxşı işləyib. 2022-ci ildə 152 min maşın istehsal edən şirkət bu il müştərilərə cəmi 110 maşın yollayıb. Bu da faktiki olaraq istehsalın çökməsidir. 

İcarə haqqını verə bilmədiyi üçün bütün satış mərkəzləri bağlanıb. 
Bu xəbər Rusiya mediasında yayıldıqdan sonra avtomobil sahibləri arasında cidi narahatlıq yaranıb. Çünki avtomobili Rusiyaya rəsmi diler deyil, avtomobil alverçiləri (boz dilerlər) gətiriblər. İndi sürücüləri servis və ehtiyat hissə məsələləri narahat edir. 

Azərbaycanın avtomobil saytlarında da bu maşınla bağlı az da olsa elan yer alır.

Vüqar Yaşaroğlu