“Ford” tarixində ən böyük rüblük zərərini açıqlayıb - 11,1 milyard dollar

Ötən ilin dördüncü rübündə “Ford Motor Company” şirkətinin xalis zərəri 11,1 milyard dollara çatıb. Halbuki şirkət 2024-cü ilin eyni dövründə 1,8 milyard dollar mənfəət əldə etmişdi.

Avtosfer.az xəbər verir ki, “Reuters” agentliyinin məlumatına görə, “Ford Motor”un elektrik avtomobilləri və proqram təminatı bölməsi 2025-ci ilin son rübündə 4,8 milyard dollar zərərə uğrayıb. Cari ildə isə itkilərin 4-4,5 milyard dollar arasında olacağı gözlənilir.

Qeyd edək ki, bir müddət öncə Yaponiyanın ikinci ən böyük avtomobil istehsalçısı – “Honda Motor” ciddi maliyyə çətinlikləri ilə üzləşdiyini bildirib. Şirkətin üçüncü rübdə əməliyyat mənfəəti əvvəlki ilin analoji dövrü ilə müqayisədə 61,4 faiz azalaraq 987,07 milyon dollar təşkil edib.