“Hispano Suiza” yeni modelini təqdim etdi - FOTO

Cenevrədə keçirilən beynəlxalq avtomobil sərgisində “Hispano Suiza Cars” şirkəti yeni ispan brendini təqdim edib.

Avtosfer.az ölkə.az-a istinadən xəbər verir ki, “Carmen” adlı yeni model elektrik mühərriki ilə təchiz edilmiş hiperkardır.

Yeni model brendin banisi Damian Mateunun nəvəsinin şərəfinə Karmen adlandırılıb. Eyni zamanda 1938-ci ildə istehsal cəmi 1 ədəd istehsal edilən “H6C Dubonnent Xenia” modelini xatırladır.

Yeni model yerindən 100 km/saat sürəti 3 saniyədən də tez vaxtda yığır. Maksimal sürət isə 250 km/saatdır. Kupenin çəkisi cəmi 1690 kq-dır. Kupenin akkumulyator batareyası döşəməyə təchiz edilib. Batareya ilə maşın 400 km məsafə qət edə bilir. Hazırda istehalçı 19 sifariş qəbul etməlidir ki, işə başlasın. Bir modelin qiyməti 1.5 milyon avrodur.