İran Suriyada avtomobil istehsalına başlayıb

İran Suriyada avtomobil istehsalına başlayıb. Avtosfer.az-ın ONA-ya istinadən məlumatına görə, Suriyanın Hassia sənaye şəhərində “Saipa-H330” markalı avtomobil istehsal edilir. “Saipa” şirkətinin Suriyadakı nümayəndəsi Fəhəd Dərviş bildirib ki, istehsal olunacaq avtomobil modern texniki imkanlara malikdir: “Yeni avtomobillərin Suriyanın Dəməşq, Hələb, Lazkiyə, Homs, Həmah və digər şəhərlərində satışına gələn həftədən başlayacaq”. Onun sözlərinə görə, ilkin mərhələdə bu növ avtomobildən 1000 ədəd istehsal olunması nəzərdə tutulub.