“Lamborghini” almaq üçün neçə il taksidən İMTİNA EDİLMƏLİDİR? – Maraqlı araşdırma

Rusiyalılar “Lamborghini” almaq üçün 505 il taksidən istifadədən imtina etməlidirlər.

Avtosfer.az bu barədə xaricdən malların alınması və çatdırılması xidmətinin press-relizinə istinadən xəbər verir.

“Platformanın analitikləri rusların 61,7 milyon rubl (bu günki məzənnə ilə 1.079.750) dəyərində olan “Lamborghini Urus”u almağa görə qənaət etmək üçün neçə il taksidən istifadə etməmələrini hesablayıblar”, - hesabatda deyilir.

Bildirilir ki, Moskvada bir taksiyə minmək üçün orta hesab 850 rubl (təxmini 15 manat) təşkil edir. Statistikaya görə, paytaxt sakinləri həftədə üç dəfə taksi sifariş edirlər ki, bu da onlara ildə 122,4 min rubla (2142 manat) başa gəlir.

İnsanlar taksidən istifadədən tamamilə imtina etsələr və yuxarıda qeyd olunan məbləğə qənaət etməyə başlasalar, 505 ildən sonra “Lamborghini Urus” avtomobili ala biləcəklər.

Namiq Musayev