Mbappenin lüks avtomobil parkı, lakin hələlik maşın sürmək istəmir: Anası isə...

Kilian Mbappe lüks və super sürətli avtomobillərə olan sevgisi ilə tanınır. Onun gəliri ilə - maaşdan və reklam müqavilələrindən ildə yüz milyonlarla - belə avtomobilləri almaq problem deyil. 

Avtosfer.az-ın xarici mediaya istinadla xəbərinə görə, “Real”da PSJ-dən daha az qazansa da, Mbappe bunu sponsorlardan gələn gəlirlə kompensasiya edir.

Ancaq maraqlı bir detal var: o, bütün bu avtomobilləri özü idarə edə bilməz. Anası Fayza Lamarinin etiraf etdiyi kimi, oğlunun hələ də sürücülük vəsiqəsi yoxdur. "Dünən ona dedim: "İmtahandan keç, heç olmasa tək maşın sürə biləcəksən", - Lamari paylaşıb. - Parisdə o, təhlükəsizlik baxımından bunu edə bilmədi. Madriddə bu daha asandır və özü də etiraf edir: "Düz deyirsən, amma imtahan məni yorur".

Anasının sözlərinə görə, o, Kilianı inandırmağa çalışır ki, bu, onun üçün azadlıq olacaq - 30 dəqiqə təhlükəsizlik və ya sürücü olmadan, öz avtomobilinin sükanı arxasında, öz seçdiyi musiqi ilə. Ancaq hələ ki futbolçunu ən çox öz superkarlarında müxtəlif sürücülər tərəfindən oyunlara apardığını görmək olar.

Mbappenin kolleksiyası:

Ferrari 488 Pista - 500.000 dollar, 720 at gücü, 0-100 km/saat sürəti 2,85 saniyəyə yığan məhdud buraxılış modeli, maksimal sürəti 340 km/saatdan çoxdur.

Ferrari 458 - Mixael Şumaxerin seçimlərindən ilhamlanan başqa ~300.000 dollar dəyərində olan İtalyan superkarıdır.

BMW i7 M70 xDrive - təxminən 180,000 avro qiyməti olan və BMW ilə sponsorluq müqaviləsi sayəsində “Real”ın hədiyyəsi olan tam elektrikli sedandır. Klubun bütün oyunçuları arasında Mbappe ən bahalı avadanlıq seçib.(lent.az)