Neft ölkəsində elektromobillərin sayı rekort həddə çatıb

Avropanın neft və təbii qazla zəngin ölkəsi Norveçdə elektrikli nəqliyyat vasitələrinin sayı benzinlə işləyən vasitələrin sayını keçib.

Avtosfer.az xəbər verir ki, ölkədə qeydiyyatda olan 2,8 milyon minik avtomobilindən 754 min 303-ü elektrik, 753 min 905-i isə benzinlə işləyir.

Qeyd edək ki, Norveç gündəlik 4 milyon barel hasilat ilə Avropanın ən böyük neft və təbii qaz istehsalçısıdır.

Lakin ölkədə elektromobillərə maraq kifayət qədər yüksəkdir. 2030-cu ilə qədər Norveç yollarında 3,1 milyon elektrik avtomobilinin olacağı təxmin edilir.

Eltac Zülfüqaroğlu