Qarlı havada elektromobili necə tormozlamalı?

Məlumdur ki, elektromobilin idarəetməsi avtomobildən fərqlidir. Elektrik mühərrikinin böyük faydalı iş əmsalı sayəsində elektromobil daha tez sürət yığır. Çevik texnikanı tormozlamağa da daha böyük enerji tələb olunur. 

Avtosfer.az istinadla xəbər verir ki, elektromobil həm də kütlə etibarı ilə ənənəvi maşınlardan ağır olur. Fizika qanunlarına görə kütlə böyük olduğundan tormoz yolu da artır.

İstehsalçılar bu amili də nəzərə alıblar. Bunun üçün avtomobili QAR və ya PİS YOL TUTUMU rejiminə keçirmək zəruridir. Bu zaman maşında hər şey dəyişir: pedalların reaksiyası azalır, tormozlama yumşalır. Bəzi modellərdə rekuperasiya sistemi də dəyişir.

Bunlar hamısı hərəkət zamanı elektromobilin tarazlığını qorumaq üçündür. Lakin proqram təminatı heç də sürücünün peşəkarlığını əvəz etmir. Sürüşmə halında sükanı sürüşən istiqamətə fırladaraq maşını düz yola yönləndirmək mümkündür. Ən əsası isə, təhlükəsiz dayanmaq üçün ara məsafəsi mütləqdir. Elektromobilin ağır olduğunu nəzərə alaraq, onun ara məsafəsi daha böyük olmalıdır. Heç bir proqram təminatı, heç bir peşəkarlıq fizika qanunlarının fövqündə dayanmağa imkan vermir.
 

Vüqar