Qlobal elektrikli avtomobil satışları 30% artdı

Yanvar-fevral dövründə dünya miqyasında elektrikli avtomobil satışları illik bazda 30% artıb.

Avtosfer.az xəbər verir ki, bu barədə Böyük Britaniyada yerləşən "Rho Motion" araşdırma şirkətinin elektrikli avtomobil satışı ilə bağlı açıqladığı məlumatlarda deyilir.

Qlobal elektrikli avtomobil satışları bu ilin yanvar-fevral aylarında illik müqayisədə 30 artaraq 2,4 milyona çatıb. Qlobal elektrikli avtomobil satışları fevral ayında isə ilik müqayisədə 49 faiz artaraq 1,2 milyona yaxın olub.

Satışların artmasına baxmayaraq, bu dövrdə ABŞ-nin ən böyük elektrikli avtomobil istehsalçısı olan "Tesla "nın satışları xüsusilə Avropa və Çində kəskin azalıb.

Bu dövr ərzində ən çox satış Çində baş tutub. Ölkədə elektrik avtomobil satışları illik bazda 35 faiz artıb. Çində ilin ilk iki ayında 130 min "BYD " markalı avtomobil satılıb.

ABŞ-də elektrikli avtomobil satışları ilin ilk iki ayında illik bazda 28 faiz artıb.(iqtisadiyyat.az)