“Tesla”nın yenilənmiş “Model Y” avtomobili müştəri cəlb edə bilmədi

“Tesla” keçən il satış rekordları qıran “Model Y”ni yenilədi və bu ilin əvvəlində yenidən satışa çıxardı. Amma məlumatlara görə, yeni versiya gözlənilən diqqəti görməyib.

Avtosfer.az xəbər verir ki, yanvar ayında yenilənmiş eksteryer dizaynı, genişlənmiş diapazonu və qabaqcıl sürücülük yardımı sistemi FSD ilə təchiz edilmiş yeni “Model Y”ni təqdim edən “Tesla” böyük maraq gözləyirdi, lakin bu yeniləmələrə baxmayaraq, “Model Y”nin çatdırılma sayı azaldı. Təbii ki, bu azalma şirkətin fond bazarındakı göstəricilərinə də mənfi təsir göstərib.

“Tesla” səhmləri ilin ilk aylarında dəyərinin 16%-ni itirib. Analitiklər izah ediblər ki, bu azalma birbaşa satışların azalması ilə bağlıdır. Avropada 0% faizli maliyyələşdirmə kampaniyaları başladığı halda, ABŞ-da 1,99% faiz və ya sıfır ilkin ödəniş variantları təklif edilib. “Tesla” nadir hallarda yeni modellərdə belə təşviqlər təklif edir.

Mütəxəssislər, yüksək istehsal xərcləri olan bir modelin endiriminin mənfəət marjasını azalda biləcəyinə diqqət çəkdilər. Digər tərəfdən, avtomobilin bir çox bölgələrə dərhal təhvil verilə bilməsi tələbin gözləniləndən aşağı qaldığını ortaya qoydu.

Yeni “Model Y”nin satışa çıxarılmasından sonra “Tesla” səhmləri məhdud bir bərpa gördü. İlon Mask şirkətlə daha çox məşğul olacağını açıqladı. Eyni dövrdə ABŞ və Çin arasında ticarət gərginliyinin azalması da fond göstəricilərinə bir qədər müsbət təsir göstərib.(index.az)