Yeni qərardan sonra benzin və dizel mühərrikli maşınların aqibəti necə olacaq? – EKSPERT - VİDEO

Azərbaycanda uzunmüddətli aşağıkarbonlu inkişaf strategiyası hazırlanır. Bu barədə Baş nazir Əli Əsədov qərar imzalayıb. Qərarda avtomobil nəqliyyatının emissiya faizinin azaldılması və elektromobillərə keçidin sürətləndirilməsi nəzərdə tutulur. Sənədə əsasən, 2035-ci ilədək daxili yanma mühərrikli avtomobillərin mərhələli şəkildə istismardan çıxarılmasının planlaşdırılması, 2060-cı ilədək isə sərnişin avtomobilləri parkında elektrik və digər alternativ enerji ilə işləyən nəqliyyat vasitələrinin payının 100 faizə çatdırılması hədəflənir.

Mövzu ilə bağlı nəqliyyat eksperti Elməddin Muradlı Avtosfer.az-ın sosial şəbəkə hesablarında canlı yayım zamanı bildirib ki, verilən qərar avtomobil sahiblərini çaşbaş salıb:

“Mənə sual verirlər ki, benzin və dizel mühərrikli avtomobillərin taleyi necə olacaq? Bu avtomobillərin qiymətləri artacaq, yoxsa azalacaq? Bəri başdan deyim ki, ekoloji standartlara cavab verməyən avtomobil parkının yenilənməsi planlaşdırılır. Bu o deməkdir ki, ilkin mərhələdə bu prosesin həlli istiqamətində addımların atılması nəzərdə tutulub. Hazırda “Təmiz şəhər” ASC” tərəfindən köhnə avtomobillərin utilizasiya prosesi həyata keçirilir və proses getdikcə inkişaf edir. Qurumdan vaxtaşırı avtomobilini utilizasiyaya təhvil verənlərin sayında kifayət qədər artımın olduğu barədə məlumatlar əldə edirik.

Məlumatda o da qeyd olunur ki, xüsusi təşviq proqramları vasitəsilə sərnişindaşıma sahəsində elektromobillərin sayı əhəmiyyətli dərəcədə artırılacaq”

Daha ətraflı aşğıdakı videoda:

Səfər