150 min avroluq itirilmiş tablo süni intellekt sayəsində tapılıb

İspaniyanın Sevilla şəhərində küçədə unudulan 150 min avroluq tablo süni intellekt sayəsində tapılıb.

Avtosfer.az Redaktor.az-a istinadən xəbər verir ki, tablonu tapan 57 yaşlı Andres Hurtado onu atılmış əşya hesab edərək çərçivəsi üçün evinə aparıb.

Məlumata görə, o, süni intellektlə şəkli araşdırıb və əsərin məşhur ispan rəssamı Xoakin Sorolyaya məxsus orijinal tablo olduğunu öyrənib.

Daha sonra itirilmiş tablo ilə bağlı xəbərləri görən Hurtado əsəri polisə təhvil verib.

Tablo sahiblərinə qaytarılıb, ailə isə ona təşəkkür edərək mükafat verəcəyini bildirib.