43 yaşlı kişini maşın vurub öldürdü

Sabirabadda piyadanın vurulması ilə nəticələnən qəza olub.

Avtosfer.az qafqazinfo-ya istinadən xəbər verir ki, hadisə ötən axşam rayonun Yaxa Dəllək kəndində qeydə alınıb.

Belə ki, “VAZ 2107” markalı avtomobil rayonunun Yaxa Dəllək kənd sakini, 1983-cü il təvəllüdlü Əsədov Şamo Eyyub oğlunu vurub.

O, ağır kəllə-beyin travması ilə komatoz vəziyyətdə Şirvan Şəhər Xəstəxanasının Reanimasiya şöbəsinə yerləşdirilib.

Həkimlərin bütün səylərinə baxmayaraq, onun həyatını xilas etmək mümkün olmayıb.

Faktla bağlı araşdırma aparılır.