44 yaşlı kişi ilə qeyri-rəsmi yaşayan qadın döyüldü - SƏBƏB

Bakının Nizami rayonunda 44 yaşlı kişinin qeyri-rəsmi münasibətdə olduğu qadına xəsarət yetirməsi ilə bağlı cinayət işinə baxılıb. Avtosfer.az “demokrat.az”a istinadla xəbər verir ki, hadisə tərəflərin birgə yaşadıqları mənzildə baş verib. 1982-ci il təvəllüdlü Aqil (ad şərtidir) qeyri-rəsmi münasibətdə olduğu Ülkərlə (ad şərtidir) mübahisə edib. Araşdırma zamanı məlum olub ki, mübahisə Ülkərin Aqildən pul istəməsi səbəbindən, şəxsi münasibətlərin pozulması zəminində yaranıb. Mübahisə zamanı Aqil qisas almaq niyyəti ilə Ülkərin baş nahiyəsinə əli ilə bir dəfə zərbə vuraraq ona sağlamlığın qısa müddətə pozulmasına səbəb olan xəsarətlər yetirib. Faktla bağlı Aqilə Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham irəli sürülüb və cinayət işi baxılması üçün Nizami Rayon Məhkəməsinə göndərilib. Məhkəmə araşdırması zamanı Aqilin qeyri-rəsmi münasibətdə olduğu qadınla barışdığı müəyyən edilib. Bu səbəbdən Ülkər ona qarşı şikayətini geri götürüb. Məhkəmə Aqilin barəsində olan cinayət işi üzrə icraata bəraətverici əsaslar olmadan xitam verilməsi barədə qərar qəbul edib. O, cinayət məsuliyyətindən azad edilib.