5 kilo partlayıcı daşıyan PUA aşkarlanıb - Vakfıkebirdə ağaca çırpılıb

Türkiyənin şimal-şərqində yerləşən Trabzon vilayətində 5 kiloqram partlayıcı ilə təchiz olunmuş Ukraynaya məxsus pilotsuz uçuş aparatı (PUA) aşkar edilib.

Avtosfer.az APA-ya istinadən xəbər verir ki, bu barədə IHA agentliyi məlumat yayıb.

Məlumata görə, Ukrayna Silahlı Qüvvələrinə məxsus PUA Vakfıkebir rayonunda ağaca çırpılıb.

Hadisə yerinə cəlb olunan mütəxəssislər dronu müayinə ediblər.

"PUA-nın 5 kiloqram partlayıcı ilə təchiz olunduğu müəyyən edilib", - məlumatda bildirilib.