ABŞ-də atışma nəticəsində azı 8 uşaq ölüb

ABŞ-nin Luiziana ştatında baş verən atışma nəticəsində azı səkkiz uşaq həyatını itirib, daha iki nəfər yaralanıb.

Avtosfer.az Teleqraf-a istinadən xəbər verir ki, bu barədə "NBC News" yerli polisə istinadən məlumat yayıb.

Məlumata görə, hadisə Şrivport şəhərində qeydə alınıb. Hüquq-mühafizə orqanlarının bildirdiyinə görə, həyatını itirən uşaqların yaşı 1-dən 14-ə qədər dəyişir.

Polisin məlumatına əsasən, hadisəni törədən şəxs saxlanılarkən zərərsizləşdirilib. Hazırda insidentlə bağlı araşdırma aparılır.