Ağdaşda sirkədən zəhərlənən 17 yaşlı qızın son vəziyyəti açıqlandı - YENİLƏNİB

Ağdaş rayonunda sirkə turşusundan zəhərlənən qızın vəziyyəti açıqlanıb.

Avtosfer.az xəbər verir ki, bu barədə oxu.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, o, ixtisaslı tibbi xidmətdən imtina edib:

"Avqustun 18-i saat 17:50-də zəhərlənmə şübhəsilə bir nəfər (qadın cinsli) Ağdaş Rayon Mərkəzi Xəstəxanasının Təcili tibbi yardım bölməsinə hospitalizasiya olunub.

2008-ci il təvəllüdlü şəxsə dəqiqləşdirilməmiş maddələrin toksiki təsiri diaqnozu təyin olunub və zəruri ilkin tibbi yardım göstərilib.

Pasiyent iltizamnamə əsasında ixtisaslı tibbi xidmətdən imtina edib. Ambulator müalicə üçün evə yazılarkən vəziyyəti qənaətbəxş qiymətləndirilib".

***

Ağdaş rayonunda yeniyetmə qız sirkə turşusu içib.

Avtosfer.az oxu.az-a istinadən xəbər verir ki, rayon sakini, 2008 təvəllüdlü M.Hacıyeva yaşadığı evdə sirkə turşusu içərək zəhərlənib. O, Ağdaş Rayon Mərkəzi Xəstəxanasına çatdırılıb.

Faktla bağlı araşdırma aparılır.