Ağstafada hərbçilər dəm qazından zəhərləndilər - YENİLƏNİB

Ağstafada dəm qazından zəhərlənən şəxslərin vəziyyətləri stabildir, xəstəxanada müalicələri davam etdirilir.

Bu barədə Tibbi Ərazi Bölmələrini İdarəetmə Birliyindən məlumat verilib.

"Fevralın 5-də saat 00:30-da Ağstafa rayonu Hüseyn Arif küçəsi ərazisindən dəm qazından zəhərlənmə şübhəsi ilə üç nəfər (kişi cinsli) Ağstafa Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.

1995, 2002 və 2004-cü il təvəllüdlü şəxslərin hər birinə zəruri tibbi xidmətlər göstərilib.

Vəziyyətləri stabil qiymətləndirilir. Müalicələri xəstəxananın Təcili və təxirəsalınmaz tibbi yardım şöbəsində davam etdirilir".

(oxu.az)

***

10:46

Ağstafada dəm qazından zəhərlənən hərbiçilərin kimliyi məlum olub.

Avtosfer.az unikal-a istinadən xəbər verir ki, zəhərlənlər Sumqayıt şəhər sakini 2004-cü il təvəllüdlü R.Hacızadə, Cəlilabad rayon sakini  2002-ci il təvəllüdlü R.Əliyev və Yardımlı rayon sakini 1995-ci il təvəllüdlü  S.Abdullazadədir.

Faktla bağlı araşdırma aparılır.

***

09:18

Ağstafada üç nəfər dəm qazından zəhərlənib.

Avtosfer.az unikal-a istinadən xəbər verir ki, hadisə Ağstafa şəhərinin mərkəzi küçələrinin birində qeydə alınıb.

3 nəfər  dəm qazından zəhərlənmə diaqnozu ilə xəstəxanaya yerləşdiriliblər.

Zəhərlənən şəxslərə ilkin tibbi yardım göstərilib, vəziyyətləri kafidir.

Məlumata görə hər üç şəxs kirayə qaldıqları evdə dəm qazında zəhərlənib.

Onların hərbiçi olduğu bildirilir.

Fakt araşdırılır.