Araz Musayevi bıçaqlayan 5 nəfər tutuldu, biri millimizin baş məşqçisidir - FOTO

Türkiyədə dünya çempionu Araz Musayevi bıçaqlayan beş nəfər saxlanılıb.

Avtosfer.az "Lent.az"a istinadən xəbər verir ki, bu barədə “Haberturk TV” məlumat yayıb.

Məlumata görə, hadisə ilə əlaqədar üçü Özbəkistan, ikisi Azərbaycan vətəndaşı olan beş nəfər saxlanılıb. Onlar hadisəni törətdikdən sonra bərbərə gedərək, saçlarını kəsdirib, paltarlarını dəyişsələr də, türk polisi onları Antalya aeroportunda saxlayıb. Şübhəli şəxslərdən biri Rusiyaya qaçmağa müvəffəq olsa da, Türkiyənin qarşı tərəfə məlumat verməsi ilə təyyarədən düşən kimi saxlanılıb. Hazırda həmin şəxsin Türkiyəyə ekstradisiya olunması ilə bağlı zəruri prosedurlar həyata keçirilir. Mediada yayılan məlumatlara əsasən, saxlanılan şəxslərdən birinin kikboks üzrə Azərbaycan milli komandasının baş məşqçisi Elşən Abdulrəhimov olduğu bildirilir.

Qeyd edək ki, Azərbaycan Muay Tay Federasiyasının prezidenti, 9 qat dünya çempionu Araz Musayev may ayının 28-də Antalyada keçirilən dünya çempionatı zamanı iki nəfərin hücumuna məruz qalıb. O, boynundan və qarnından bıçaqlanmışdı. Əməliyyatdan sonra palataya köçürülən federasiya prezidentinin vəziyyəti stabil qiymətləndirilir.