Avtobusun təkəri qopdu; avtomobilə və mağazaya ziyan dəydi - VİDEO

Marşrut avtobusunun qopan təkəri təhlükəli anlara səbəb olub. Avtosfer.az xəbər verir ki, Rusiyanın paytaxtı Moskvada baş verən hadisə anbaan kameraya düşüb. Marşal Biryuzov küçəsində hərəkətdə olan 19 nömrəli marşrut avtobusu sürətazaldan maneənin üzərindən keçərkən təkərlərindən biri qəfildən qopub. Yüksək sürətlə yuvarlanan təkər ərazidə uşaq arabası ilə gəzən insanların bir neçə addımlığından keçərək yol kənarında dayanan minik avtomobilinə, daha sonra isə yaxınlıqdakı mağazanın vitrininə çırpılıb. Zərbənin gücündən mağazanın şüşələrinə və park edilmiş avtomobilə ciddi ziyan dəyib.
Xoşbəxtlikdən hadisə zamanı minik avtomobilində heç kim olmayıb. Həmçinin mağazanın əməkdaşları və müştəriləri də xəsarət almayıblar.
Faktla bağlı araşdırma aparılır, avtobusun texniki vəziyyətinə cavabdeh olan şəxslərin məsuliyyətə cəlb edilməsi məsələsinə baxılır.
Sözügedən hadisənin videosunu təqdim edirik:

Namiq Musayev