Avtomobil salonuna raket düşdü - 70 lüks maşın məhv oldu - FOTO

ABŞ-İsrail hücumlarının ilk günlərində paytaxt Tehranın şərqində yerləşən avtomobil salonuna üç raket düşüb. 

Avtosfer.az xarici KİV-ə istinadən xəbər verir ki, hücumdan sonra ərazidə güclü yanğın baş verib. 

Qalereyanın satış meneceri Areş Ali Muhammed hücuma məruz qalan obyektdə 160 nəqliyyat vasitəsinə ziyan dəydiyini açıqlayıb:

"Hücumlarda 70 lüks nəqliyyat vasitəsi tamamilə məhv edilib. Başqa bir bölgədə çatdırılma mərhələsində olan digər nəqliyyat vasitələrimizə də hücum edilib. Orada 160 nəqliyyat vasitəsinə ziyan dəyib. Hazırda ciddi itkilərimiz var. Özəl şirkət olmağımıza baxmayaraq, bizə 3 raket atılıb, 27 işçi yaralanıb və 1 əməkdaşımız həyatını itirib".