Avtomobili kütlənin üzərinə sürən şəxs saxlanılıb

Liverpulda avtomobili kütlənin üzərinə sürən şəxslə bağlı cinayət işi açıb.

Avtosfer.az BBC-yə istinadla xəbər verir ki, polis hadisə ilə əlaqədar 53 yaşlı kişinin saxlanıldığını bildirib. Ona qarşı qəsdən adam öldürməyə cəhd, narkotik təsiri altında avtomobil idarəetməsi və təhlükəli sürücülük ittihamları irəli sürülüb. Şübhəli şəxsin Liverpulun Vest Derbi bölgəsindən olduğu bildirilir. Polis hadisənin terrorla bağlı olmadığını təsdiqləyib.

Qeyd edək ki, mayın 26-da futbol üzrə İngiltərə Premyer Liqasının 2024–2025-ci il mövsümünün qalibi olan “Liverpul” klubunun çempionluq paradı zamanı bir sürücü avtomobilini azarkeşlərin üzərinə sürüb. İlkin məlumata görə, hadisə nəticəsində 50-dən çox şəxs tibbi yardım alıb, onlardan 11-i xəstəxanada qalır. Bütün yaralıların vəziyyətinin sabit olduğu bildirilir.