Azyaşlı uşaq ata-anasını yatılı qoyub səyahətə çıxdı; polisə düşdü - FOTO

Azyaşlı uşağın təkbaşına səyahəti həm təəccüb, həm də narahatlıq doğurub. Avtosfer.az xəbər verir ki, hadisə Rusiyanın Rostov şəhərində baş verib. Məlumata görə, səhər tezdən valideynlərin yatmasından istifadə edən 3 yaşlı oğlan sakitcə qapını açaraq küçəyə çıxıb. Yaxınlıqdakı dayanacaqdan avtobusa minən uşaq şəhərin mərkəzindən xeyli uzaqda yerləşən Dəmiryolu rayonuna qədər təkbaşına gedib. Avtobusdan düşdükdən sonra isə heç nə olmamış kimi ərazidəki mağazalardan birinə daxil olub. Mağazaya yanında böyüklər olmadan daxil olan kiçik müştəri satıcıların diqqətindən qaçmayıb. Vəziyyətdən şübhələnən mağaza heyəti dərhal uşağa yaxınlaşaraq onu sorğu-sual etməyə başlayıb.

Azyaşlı adının Dima olduğunu desə də, evlərinin ünvanını xatırlaya bilməyib. Satıcılar vaxt itirmədən hadisə barədə polisə məlumat veriblər və uşağı asayiş keşikçilərinə təhvil veriblər.

Uşaq polis bölməsində olduğu müddətdə yuxudan oyanan və övladlarının evdə olmadığını görən valideynlər artıq təşviş içində polisə itkin düşmə barədə müraciət ediblərmiş. Polis bölməsinə çağırılan valideyinlər müəyyən prosedurlardan sonra balaca Dimaya sağ-salamat qovuşublar.

Namiq Musayev