Babək prospektində təhlükəli anlar: Piyada motosikletlə az qala toqquşacaqdı - VİDEO

Paytaxtın Babək prospektində piyada və motosiklet sürücüsünün iştirakı ilə təhlükəli yol hərəkəti vəziyyəti qeydə alınıb.

Avtosfer.az-ın məlumatına görə, hadisə bir müddət əvvəl günorta saatlarında baş verib. Görüntülərdə motosiklet sürücüsünün sıxlıq səbəbindən zolaqların ortası ilə hərəkət edib.

Bu zaman nəqliyyat vasitələri arasında yolu keçməyə çalışan qadın piyada yaxınlaşan motosikleti son anda görərək geri çəkilib və baş verəcək toqquşmanın qarşısı alınıb.

Qeyd edək ki, vəziyyətdə hər iki tərəfin yol hərəkəti qaydalarını pozduğu bildirilir. Belə ki, piyada yolu müəyyən olunmamış yerdən və sıxlıqdan istifadə edərək keçməyə cəhd edib, motosiklet sürücüsü isə zolaq intizamına əməl etmədən avtomobillərin arası ilə hərəkət edib.

Nərmin