Bakıda ağac elektrik dirəyinin üzərinə aşdı: Yol bağlandı - VİDEO

Paytaxtın Səbail rayonu, Badamdar qəsəbəsi 9-cu Badamdar küçəsində qəza xarakterli hadisə baş verib.

Avtosfer.az baku.ws-ə istinadla xəbər verir ki, güclü külək və ya digər səbəblərdən kökündən qopduğu ehtimal edilən böyük ağac yolun kənarındakı elektrik dirəyinin üzərinə aşıb.

​Ağacın və dirəyin aşması nəticəsində həm piyadaların, həm də nəqliyyat vasitələrinin hərəkəti çətinləşib, yolda keçid bağlanıb.

Eyni zamanda, elektrik naqillərinin sallanması sakinlərin həyatı üçün ciddi təhlükə yaradır.