Bakıda baş verən davada bir nəfər bıçaqlandı

Bakının Nəsimi rayonunda baş verən dava zamanı bir nəfər bıçaqlanıb.

Avtosfer.az xəbər verir ki, hadisə 4-cü mikrorayon ərazisində, Mircəlal Paşayev küçəsində qeydə alınıb.

Məlumata görə, 1991-ci il təvəllüdlü Ramin Saday oğlu Həsənov əlbəyaxa dava zamanı bıçaq xəsarətləri alıb.

Yaralı ağır vəziyyətdə Kliniki Tibbi Mərkəzə çatdırılıb. Ona zəruri tibbi yardım göstərilir.

Faktla bağlı araşdırma aparılır.