Bakıda binanın bloku ÇÖKDÜ - Sakinlər evdən çıxa bilmir - VİDEO - YENİLƏNİB

Suraxanı rayonu, Yeni Günəşli qəsəbəsi, "V" yaşayış sahəsində çökmüş blokla bağlı tədbir görülür.

Bu barədə Suraxanı Rayon Mənzil-Kommunal Təsərrüfatı Birliyindən bildirilib.

Qeyd olunub ki, hadisə bir neçə gün əvvəl baş verib:

"Birliyin əməkdaşları tərəfindən ərazidə sakinlərin təhlükəsizliyinin təmin edilməsi məqsədilə zəruri tədbirlər görülüb. Hazırda təmir-bərpa işləri aparılır".

***

Suraxanı rayonu, Yeni Günəşli qəsəbəsi, "V" yaşayış sahəsində binaların birində birinci mərtəbədə blok çöküb.

Avtosfer.az xəbər verir ki, bu barədə oxu.az-a sakinlər müraciət ediblər.

Sakinlər qeyd ediblər ki, birinci və ikinci mərtəbədə yaşayanlar binadan çıxa bilmirlər. Bunun üçün liftlə yuxarı qalxıb, yenidən aşağı düşməlidirlər.

Məsələ ilə bağlı aidiyyəti quruma sorğu ünvanlanıb.